کویت اردو نیوز ، 6 اکتوبر 2023 : بالی ووڈ سپر اسٹار سلمان خان اور گلوکار ارجیت سنگھ کے درمیان 9 سال پرانی لڑائی ختم ہونے کی خبریں گردش کرنے لگیں۔
بھارتی میڈیا رپورٹس کے مطابق 4 اکتوبر کی رات مشہور گلوکار ارجیت سنگھ کو ممبئی میں سلمان خان کے گھر ‘گیلیکسی اپارٹمنٹ’ سے باہر نکلتے ہوئے دیکھا گیا، جسکی ویڈیوسوشل میڈیاپروائرل ہوگئی ۔
یہ ویڈیو سماجی رابطے کی ویب سائٹ ایکس پر ایک صارف نے پوسٹ کی، صارف کا کہنا تھا کہ ‘ارجیت سنگھ ممبئی میں سلمان خان کے گھر گئے، کیا ہونے والا ہے؟’
ویڈیو وائرل ہوتےہی سوشل میڈیاصارفین کا تجسس مزید بڑھ گیا، کچھ صارفین نےتو انتہائی حیران کن انداز میں پوچھاہے کہ کیا یہ ویڈیو نئی ہے؟
صارفین نے قیاس کیا کہ ‘سلمان خان نے اپنی فلم ‘ٹائیگر 3’ کے میوزک کے لیے ارجیت سنگھ سے ملاقات کی تھی۔
سوشل میڈیا صارفین کا کہنا تھا کہ ‘سلمان خان اور ارجیت سنگھ کی اچانک ملاقات ناقابل یقین اور بڑا سرپرائز ہے’۔
واضح رہے کہ ارجیت سنگھ اور سلمان خان کے درمیان 2014 میں ایک ایوارڈ شو کی تقریب کے دوران لڑائی ہوئی تھی، اس لڑائی کے بعد سلمان خان نے اپنی فلموں ‘کک’، ‘بجرنگی بھائی جان’ اور ‘سلطان’ سے گلوکار کے تمام گانے ہٹا دیے تھے۔
بعد ازاں 2016 میں ارجیت سنگھ نے سلمان خان سے معافی مانگی اور فلم ‘سلطان’ میں اپنا گانا برقرار رکھنے کی درخواست کی لیکن سلمان خان نے گلوکار کی معافی کا کوئی جواب نہیں دیا۔
