کویت اردو نیوز ، 26 اکتوبر 2023: بالی ووڈ کی مقبول ترین جوڑی دپیکا پڈوکون اور رنویر سنگھ کی شادی کی ویڈیو پہلی بار منظر عام پر آگئی ہے۔
بھارتی میڈیا کے مطابق فلمساز کرن جوہر کے مقبول ترین شو ’’کافی ود کرن‘‘ کا 8 واں سیزن شروع ہوگیا ہے جس کی پہلی قسط میں دپیکا پڈوکون اور ان کے شوہر رنویر سنگھ نے بطور مہمان شرکت کی۔
بالی ووڈ کا یہ مقبول جوڑا پہلی بار شو “کافی ود کرن” میں ایک ساتھ نظر آیا، اسی شو کے دوران کرن جوہر نے دیپیکا اور رنویر سنگھ کی شادی کے 5 سال بعد شادی کی ویڈیو شیئر کی۔
یہ پہلا موقع ہے کہ دیپیکا پڈوکون اور رنویر سنگھ کی شادی کی ویڈیو عوامی سطح پر شیئر کی گئی ہے، اس ویڈیو کا مداحوں کو بے صبری سے انتظار تھا۔
https://youtu.be/MwmS2pXlqNs?si=SLEp1YWHKYLQ6XK-
ویڈیو میں بالی ووڈ اسٹار جوڑے کی شادی کی مختلف تقریبات کی جھلکیاں دکھائی گئی ہیں، ویڈیو کا آغاز ایک پارٹی فنکشن سے ہوتا ہے جہاں رنویر سنگھ مہمانوں کے سامنے دیپیکا سے اپنی محبت کا اظہار کرتے ہیں۔
ویڈیو کلپ میں مہندی کی تقریب کی جھلک بھی دکھائی گئی ہے، جہاں رنویر سنگھ رقص کرتے ہوئے نظر آ رہے ہیں جبکہ دیپیکا پڈوکون مسکرا رہی ہیں، ویڈیو میں جوڑے کی منگنی کی جھلک بھی دکھائی گئی ہے۔
واضح رہے کہ رنویر سنگھ نے 2015 میں دیپیکا پڈوکون سے اپنی محبت کا اظہار کیا تھا جب کہ 2018 میں دونوں نے اٹلی میں ایک شاندار تقریب میں شادی کی۔
