کویت اردو نیوز ، 2 نومبر 2023: ماضی کی مشہور بالی ووڈ اداکارہ اور سابق ملکہ حسن ایشوریہ رائے بچن کی 50ویں سالگرہ کی ویڈیوز سوشل میڈیا پر وائرل ہو رہی ہیں۔
گزشتہ روز بچن خاندان کی اکلوتی بہو اور سپر اسٹار ایشوریا رائے نے اپنی 50ویں سالگرہ ممبئی میں ایک تقریب میں منائی، اداکارہ نے اپنی بیٹی آرادھیا بچن اور والدہ کے ہمراہ کیک کاٹا۔
ایشوریا رائے بچن نے اپنی سالگرہ پر سفید لباس زیب تن کیا جب کہ ان کی بیٹی بھی سفید ٹاپ کے ساتھ جینز میں نظر آئیں۔
اداکارہ کو اپنی بیٹی اور والدہ کے ہمراہ کیک کاٹتے ہوئے دیکھا گیا تاہم ابھیشیک بچن سمیت پوری بچن فیملی تقریب سے غیر حاضر رہی جس پر سوشل میڈیا صارفین کی جانب سے کئی سوالات اٹھائے گئے۔
ویڈیو پر تبصرہ کرتے ہوئے ایک صارف نے کہا کہ ’ایشوریہ رائے کے شوہر ابھیشیک بچن کبھی ان کے ساتھ نہیں ہوتے، وہ ہر تقریب میں اکیلے نظر آتی ہیں اور اب وہ اپنی سالگرہ کی تقریب میں بھی اکیلی تھیں ۔
"برتھ ڈے پارٹی میں باقی سب کہاں ہیں؟” ایک صارف نے پوچھا۔
"ابھیشیک کہاں ہے؟” صارفین میں سے ایک نےپوچھا.
صارف سنگیتا کا کہنا تھا کہ ’ایشوریہ رائے کے سسرال والے اس کی قدر نہیں کرتے۔
واضح رہے کہ لیجنڈ اداکار امیتابھ بچن کے بیٹے ابھیشیک بچن اور ایشوریا رائے کی شادی 20 اپریل 2007 کو ہوئی تھی، جوڑے کی ایک بیٹی ہے۔
ایشوریا رائے اور ابھیشیک بچن کی طلاق کی افواہیں کئی بار میڈیا میں آ چکی ہیں، ایسی خبریں بھی سامنے آئی تھیں کہ اداکارہ کے بچن خاندان سے تعلقات خراب ہوتے جا رہے ہیں۔
