کویت اردو نیوز ، 11 اکتوبر 2023: عامر خان نے اپنی بیٹی ایرا خان کی شادی کی تاریخ کا باضابطہ اعلان کر دیا ہے۔ یہ اعلان عامر اور ان کی پہلی سابق اہلیہ رینا دتہ کے ممبئی میں ایک ساتھ دیکھے جانے کے چند دن بعد سامنے آیا ہے۔ ایسا معلوم ہوتا ہے کہ دونوں سونے کی خریداری کے لیے باہر گئے تھے، جس کے بارے میں مداحوں کا خیال تھا کہ یہ ایرا کی شادی کے لیے ہے۔ اب اداکار نے انکشاف کیا کہ ایرا اپنے بوائے فرینڈ، نپور سے 3 جنوری کو شادی کریں گی۔ اس سال کے شروع میں ایرا اور نپور نے منگنی کی ، منگنی کی پارٹی میں قریبی خاندان اور دوستوں نے شرکت کی۔
عامرخان ایرا کی شادی پر
جہاں یہ قیاس آرائیاں کی جا رہی تھیں کہ شادی سال کے آخر تک ہو سکتی ہے، عامر خان نے تصدیق کی ہے کہ شادی 2024 کے آغاز پر ہوگی۔
عامر خان نے تاریخ کی تصدیق کرتے ہوئے کہا کہ "ایرا کی شادی 3 جنوری کو ہو رہی ہے۔ اس نے جس لڑکے کا انتخاب کیا ہے وہ نپورہے ، وہ ایک پیارا لڑکا ہے۔ جب ایرا ڈپریشن سے لڑ رہی تھی تو وہ اس کے ساتھ تھا۔ وہ واقعی وہ شخص ہے جس نے اس کے ساتھ کھڑے ہو کر جذباتی طور پر اس کا ساتھ دیا ہے۔ مجھے خوشی ہے کہ اس نے ایک ایسے لڑکے کا انتخاب کیا ہے ، وہ ایک ساتھ بہت خوش ہیں۔ بہت اچھی طرح سے جڑے ہوئے ہیں، وہ واقعی ایک دوسرے کی دیکھ بھال کرتے ہیں اور ایک دوسرے کا خیال رکھتے ہیں۔”
"یہ آپ کوفلمی ڈائیلاگ لگ سکتاہےلیکن مجھےیہ لگتاہے کہ نپور ایک بیٹےجیساہے۔ نپورایک اچھالڑکا ہے، ہم واقعی محسوس کرتےہیں کہ وہ خاندان کا حصہ ہے اور اس کی ماں پہلے سے ہی ہمارے خاندان کا حصہ ہیں”۔ انہوں نے مزید کہا کہ ایرا کی شادی ایک جذباتی لمحہ ہونے جا رہا ہے، انہوں نے اظہار خیال کیاکہ”میں تو بڑا جذباتی ہوتا ہوں بھائی، اس دن میں بہت رونے والا ہوں ” خاندان میں یہ چرچے شروع ہو چکے ہیں کہ ‘عامر کو اس دن سنبھالنا’۔ (اس دن عامر کا خیال رکھنا) کیونکہ میں بہت جذباتی ہوں، میں اپنی مسکراہٹ اور اپنے آنسوؤں پر قابو نہیں رکھ سکتا۔
عامر خان کی بیٹی اور ان کے دیرینہ بوائے فرینڈ نپور کی منگنی 18 نومبر 2022 کو ممبئی میں ہوئی۔ منگنی کی تقریب میں عامر کی سابقہ اہلیہ کرن راؤ، عمران خان، آشوتوش گواریکر، فاطمہ ثنا شیخ اور دیگر سمیت کئی مشہور شخصیات نے شرکت کی تھی۔
