8 ماہ کی حاملہ اداکارہ دل کادورہ پڑنےسےچل بسی تاہم بچےکوبچالیاگیا

کویت اردو نیوز ، 1 نومبر 2023: بھارتی میڈیا رپورٹس کے مطابق اداکارہ ڈاکٹر پریا نجی اسپتال میں تھیں جب انہیں دل کا دورہ پڑا۔ وہ آٹھ ماہ کی حاملہ تھی۔

بتایا جا رہا ہے کہ ان کے بچے کو بچا لیا گیا ہے اور اس وقت وہ انتہائی نگہداشت یونٹ میں زیر علاج ہے۔

ان کی موت کی خبر اداکار کشور ستیہ نے انسٹاگرام پر اپنے پیغام میں دی۔ اداکار نے لکھا کہ ٹیلی ویژن کے شعبے سے ایک اور بری خبر، ڈاکٹرپریاکادل کادورہ پڑنےسےانتقال ہوگیا۔

ڈاکٹروں کا کہنا ہے کہ اداکارہ پریا حمل کے دوران دل میں خون کی روانی میں کمی اور دل کی صحت سے متعلق ہارمونز کی کمی کے باعث حمل کی پیچیدگیوں کا شکار تھیں۔

ساتھی اداکاراؤں اور فنکاروں نے نوجوان اداکارہ کی ناگہانی موت پر اپنے دکھ اور افسوس کا اظہار کیا ہے اور ان کےاہل خانہ سے تعزیت کی ہے۔