کویت اردو نیوز : بنگلہ دیش کی مشہور اداکارہ حمیرا ہیمو پراسرار طور پر انتقال کر گئیں۔
بھارتی میڈیا کے مطابق 37 سالہ بنگلہ دیشی اداکارہ حمیرا ہیمو کو بے ہوشی کی حالت میں ڈھاکہ کے اسپتال لے جایا گیا تاہم ڈاکٹروں نے انہیں مردہ قرار دے دیا۔
رپورٹس کے مطابق ڈاکٹروں نے چیک اپ کے دوران اداکارہ حمیرا کی گردن پر ہلکا سا نشان دیکھا اور اداکارہ کی موت پر تشویش کا اظہار کرتے ہوئے پولیس کو آگاہ کیا۔
اسپتال انتظامیہ کے مطابق حمیرا کو ایک دوست بے ہوشی کی حالت میں اسپتال لایا تاہم پولیس کے پہنچنے سے قبل ہی وہ دوست اسپتال سے فرار ہوگیا۔
رپورٹس میں بتایا گیا کہ حمیرا کے دوست کے فرار ہونے کے بعد پولیس کو شبہ ہے کہ اداکارہ کی موت میں اسکےدوست کا ہاتھ ہوسکتا ہے۔
پولیس نے اداکارہ کی موت کے کیس کی تفتیش شروع کردی ہے جب کہ دوست کی تلاش جاری ہے۔