کویت اردو نیوز ، 29 اکتوبر 2023: بالی ووڈ سپر اسٹار سلمان خان کی لیجنڈری فٹبالر کرسٹیانو رونالڈو کے ساتھ باکسنگ میچ دیکھنے کی ویڈیو سوشل میڈیا پر وائرل ہوگئی ہے۔
بھارتی میڈیا کے مطابق حال ہی میں سلمان خان نے سعودی عرب کا دورہ کیا جہاں انہوں نے دنیا کے مشہور فٹبالر کرسٹیانو رونالڈو کے ساتھ ٹائیسن فیوری اور فرانسس نگانو کے درمیان باکسنگ میچ دیکھا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ کرسٹیانو رونالڈو اپنی گرل فرینڈ جارجینا روڈریگز کے ساتھ باکسنگ میچ دیکھنے میں مصروف ہیں جب کہ اسی ویڈیو میں بالی ووڈ اسٹار سلمان خان بھی موجود ہیں۔
وائرل ویڈیو میں دونوں ستارے ایک دوسرے کے ساتھ بات چیت کرتے نظر نہیں آرہے ہیں تاہم سلمان خان اور کرسٹیانو رونالڈو کو ایک ساتھ دیکھ کر ان کے مداح بہت خوش ہیں۔
دوسری جانب بھارتی میڈیا کا کہنا ہے کہ سلمان خان آج صبح سعودی عرب سے بھارت واپس پہنچے ہیں، انہیں ممبئی ایئرپورٹ پر دیکھا گیا۔
