کویت اردو نیوز : وجے تھالاپتی اور سنجے دت کی ‘لیو’ نیٹ فلکس پر کب ریلیز ہوگی؟ تاریخ سامنے آگئی ہے ۔
بھارتی فلم انڈسٹری کے سپر اسٹار وجے تھالاپتی کی بلاک بسٹر فلم ‘لیو’ کی او ٹی ٹی ریلیز کی تاریخ سامنے آگئی ہے۔
‘لیو’ اپنے شاندار بزنس کے ساتھ تیسری سب سے زیادہ کمائی کرنے والی تامل فلم بن گئی ہے اور اب صرف رجنی کانت کی ‘جیلر’ اور ‘2.0’ سے پیچھے ہے۔
بھارتی میڈیا ذرائع کے مطابق فلم بھارت میں 24 نومبر کو نیٹ فلکس کے ذریعے ریلیز کی جائے گی جب کہ دنیا بھر کے لوگ 28 نومبر سے ایکشن بلاک بسٹر فلم دیکھ سکیں گے۔
تھرلر اور ایکشن سے بھرپور انڈین فلم ‘لیو’ 19 اکتوبر کو سینما گھروں کی زینت بنی تھی اور اس فلم میں سنجے دت بھی اہم کردار ادا کرتے نظر آ رہے ہیں۔
انڈین سپر اسٹار تھلاپتی وجے کی نہ صرف ہندوستانی ریاستوں تامل ، کرناٹک ، ناڈو، کیرالہ میں بہت زیادہ مداح موجود ہیں بلکہ بیرون ملک بھی ان کے مداحوں کی اچھی خاصی تعداد پائی جاتی ہے۔
